Rauðhærði útlendingurinn 
<$draumaleit$>
| Rauðhærði útlendingurinn
|
|
|
<$draumaleit$> |
|
|
||||||
ÍslendingarÁsdís frænkaBendt Danni Disco Dóri Dísa skvísa DJ Diljá Eiríkur Guðjón Gummi Jóh Gunna frænka HÁS Hlynur Ívar Jóinn Kolla Kreisígörl Lára babe Lukka Maj-Britt Ziggy Vigdís Örn Ingi og Elín DanirÁstaBryndís Davíð Elva Freyja Gummi Gunnhildur Gunni Harpa og Elvar Heiðdís Helena Hjördís Katla Kolla Margrét Lára Ragnheiður Sigurrós Sólveig Daglegir linkar fyrir migSkólinn minnFÍLÓ FÍLD FADL medicalstudent.dk doctor.is Odense |
| |||||
| Bráðum búið.. Já, nú er ég búin að kaupa farmiðann heim og fer út 2 september til að byrja þriðja árið í læknisfræðinni og fjórða búskaparárið mitt í Danmörku. Já, tíminn líður ótrúlega hratt. Ég er í óða önn að skipuleggja tíma minn sem ég á eftir á Íslandi sem best og endilega hringið í mig ef þið viljið hittast því ég er svo oft á síðustu stundu og gleymi mér þannig að oft verður ekki úr neinu. 6621249 Ég var í kjulla hjá Drífu á mánudaginn og stelpan er bara ansi góður kokkur, muldi ritskex og mozzarellaost yfir bringurnar. nammi namm, geggjað gott. Svo í gær fór ég til ömmu minnar í heimsókn. Eftir að við vorum búnar að horfa á Guiding light (hún má ekki missa af þeim þætti) þá gúffuðum við í okkur dýrindis kjötsúpu ala amma á hagamel og ég held að fátt sé betra. Seddutilfinningin eftir svona súpu er betri en eftir eitthvað annað. Annars er ég happy, já svei mér þá bara |
miðvikudagur, ágúst 17, 2005
The Biggest Looser
Ég grenjaði yfir "the biggest looser" á Skjá einum í gær. Þetta var lokaþátturinn og mér fannst eitthvað svo frábært hvað fólkið var búið að áorka miklu og var búið að breyta lífi sínu til hins betra. Fjölskyldan var svo hamingjusöm og stolt af keppendunum...þetta var bara svo fallegt. Þar sem ég sat þarna og táraðist yfir þessu og gaf frá mér snýtu- og dæshljóð inn á milli var bróðir minn að missa sig yfir mér. Hann var svo hneykslaður. Horfði á mig með hneykslunarsvip og hrópaði á sjónvarpið. "ÞIÐ ÞURFIÐ EKKI AÐ VIGTA YKKUR!!!!!! THE BIGGEST LOOSER SITUR HÉRNA VIÐ HLIÐINA Á MÉR!!!" Þá gat ég ekki annað en brosað gegnum tárin.
posted by benony 4:10:00 e.h.
fimmtudagur, ágúst 11, 2005Quality time
Við Bryndís áttum quality time í gær. Hittumst í bænum og tókum búðarrölt. Keypti mér einn bol og buxur og er því voða glöð. Alltaf svo gaman að kaupa föt. Svo vorum við voða histerískar að leita okkur að einhverju gúmmulaði á kaffihúsi. Kíktum bara á desserts en ekkert heillaði okkur. Svei mér þá, ég veit ekki hvað við vorum að leita eftir. Við enduðum svo á að sitja úti við umferðargötu og borða einhvern þann æðislegasta ís sem ég hef bragðað. Hann var frá lítilli ítalskri ísbúð og ísinn var svoooo girnilegur og bragðgóður. Ég verð fastagestur núna.
Svo var ég mætt í hátíðarkvöldverð. Gummi töfraði fram purusteik og kótilettur þannig að við vinkonurnar vorum vel mettar.
Til sidst horfðum við á Closure myndina og hún var fín. Alltaf fínt að horfa á hann Júdda Lög, hann hefur alltaf heillað mig svolítið. Hann missir samt fullt af prikum fyrir að halda framhjá sætu kærustunni sinni. Ég er alveg að komast inn á það að það ætti að gelda þetta lið!!
Ég var að koma úr klippingu og var klippt af stelpu með vafasama hárgreiðslu haha. Hún var með hárið allt eitthvað reitt og brjálað með æpandi liti. Hún gerði mig samt voða fína og hárið virkar mun heilbrigðara. Þannig að ég er eiginlega ready set go. Ég er svo að fara í flug eftir nokkra klukkutíma þannig að dreg að mér íslenskt loft innan skamms.
Þið heima, ég hlakka til að hitta ykkur aftur :)
posted by benony 11:10:00 f.h.
sunnudagur, ágúst 07, 2005
Er stödd í Odense eins og er að massa eitt sumarpróf sem er búið að liggja smá eins og mara á mér í sumar. Danmörk tók vel á móti mér og þrátt fyrir smá lestarvesen og rigningu. Mér líður alltaf svo vel hérna.
Ása er eina manneskjan sem ég hitti en við förum í mat saman og hringjumst til að peppa hvor aðra upp. Alltaf svo gott að hafa einhvern sem veit alveg hvernig manni líður og er í sömu stöðu. :)
Í gær fórum við út að borða á gömlum ítölskum pizzustað og það var bara lostæti. Ég fékk mér pizza pollo og bananasplitt. Vorum alveg í heitum samræðum um rosaleg efni og eins gott bara að engin skildi um hvað við vorum að tala. :)
Ég kem til Íslands aftur á fimmtudaginn og er búin að ákveða að vera búin að fara í klippingu og litun áður en ég kem, og kannski vera búin að kaupa eina til tvær nýjar flíkur þó svo að næstum öll launin mín hafi farið í að kaupa miðann út og borga reikninga.
Ég ætla að nota vikurnar þrjár sem eftir eru á Íslandi vel og njóta mín út í ystu æsar áður en ég kem aftur út og byrja þriðja árið. :) Já, það er svo gaman að plana og láta sér hlakka til þegar maður er í prófum :)
posted by benony 10:26:00 e.h.
miðvikudagur, ágúst 03, 2005
Ótrúlegt en satt...
Þessa ferðasögur mínar eru að ná hámarki svei mér þá. Ég lendi næstum því í ævintýri í hvert skipti sem ég flýg. haha en þessi er æði
Ég var mætt tímanlega í þetta skipti upp á Leifstöð en lenti öftust í röð sem náði út úr byggingunni. Þarna í röðinni var fólk sem var að fara til mismunandi staða í heiminum og ég stóð þarna alveg að fríka út yfir hvað röðin færðist hægt og var hrædd um að flugvélin færi barasta á undan mér. Þegar röðin var að koma að mér hrópaði ein afgreiðslustúlkan " If you are going to London Heatrhow, come up front". Og allir sem voru fyrir aftan mig og voru að fara til London þyrptust fram fyrir mig. Ég tuggði tyggjóið mitt ákaft því ég var svo stressuð en gat ekkert gert nema að bíða og það er hræðileg tilfinning.
Loksins kom að mér og ég skellti töskunni minni uppá færibandið. " Ég er að fara til Kaupmannahafnar" sagði ég eins og heimurinn væri að farast. Afgreiðslukonan var voða hress og brosti sínu blíðasta "nú, ertu að fara að fara til Kaupmannahafnar...má ég sjá.....heyrðu, það er allt fullt í vélinni til Kaupmannahafnar". Nú, er fullt spurði ég samt róleg því ég átti miða og þess vegna urðu þau náttúrulega að redda mér á leiðarenda. Konan brosti bara og ég sagði "já, ég sit þá bara á klósettinu á leiðinni.. (Saran bara að gantast)
Svo eftir smá tékk blikkaði konan mig og sagði "ég skelli þér bara á Saga Class".
Þar hafiði það skólastelpan á námslánunum ferðaðist í föruneyti Vigdísar Finnboga á Saga Class og tísti þegar heitu klútarnir komu fyrir matinn og þegar matseðillinn kom með forréttinn "Risa rækjur og humarhalar" og í aðalrétt "lambahryggvöðvi með ostahúðuðum kartöflum".
Gaman að vera að búin að prófa þetta en mér leið hálf kjánalega þegar ég sat þarna og þegar ég labbaði út úr vélinni framhjá fólkinu sem beið eftir að við á fyrsta farrými færum út á undan. Ansas snobb, en fólk borgar víst fyrir betri þjónustu...nema ég...ég er bara slugsi sem græddi á því í þetta skiptið.
posted by benony 11:27:00 e.h.
