...já, ég veit ekki hvort Gyða Sól sé réttnefni yfir nýja meðleigjandann minn. En þetta er stúlka sem er rosalega lík Nadíru systur minni nema hún er minni og yngri. Ég er ekki búin að komast að því frá hvaða landi hún er því það er einhver kona hjá henni núna og ég hef ekki fengið tækifæri til að yfirheyra hana. Mér heyrist að hún hafi bara verið að koma til landsins núna...og ég lánaði lampann minn því annars væri allt í myrkri hjá henni! Ég segi ykkur betur frá sambúð okkar seinna!!!
Það má segja að ég sé að upplifa eitthvað stresstímabil núna í lífi mínu. Ég fæ alltaf svona rauða bletti á hálsinn þegar ég verð stressuð og þá hef ég núna þessa dagana. Oftast koma þeir þegar ég á að fara að halda ræðu en fara svo um leið og ég hef lokið ræðunni af en núna bara haldast þeir og eru eins og krónískir því ég er sífellt stressuð. Ég lýsi þessu sem þannig stressi..bæði eftirvænting og mikill kvíði! Ég hef nefnilega verið að horfast í augu við drauminn minn sem er svona aðeins að gægjast upp milli fjalltoppana. Ég hef aldrei séð hann svona nálægt, eins og ég hef mikið elt hann. Á næstu dögum ræðst því hvort ég detti um stein og hrynji niður fjallshlíðina um nokkuð mörg skref eða hvort ég komist á toppinn og fangi drauminn...eins og gefur að skilja þá tekur þetta ansi mikið á taugarnar mínar því mikið rosalega yrði ég hamingjusöm stúlka ef ég myndi fanga hann og mikið rosalega yrði ég sorgmædd ef ég myndi ekki fanga hann og detta niður fjallshlíðina. Ég veit bara að ég geri mitt besta...og verð á góðum gönguskóm!!!!
Brynja og Drífa betur þekktar sem Realflavaz eru 23 ára í dag! Við höfum aldeilis brallað ýmislegt í gegnum árin því við höfum nú verið vinkonur í 23 ár..sem er langur tími fyrir ekki eldri stúlkur eins og okkur. Sem dæmi má nefna...voru þær duglegar við að klæða mig upp í ýmis gervi og svo fórum við að gera at í krökkunum í hverfinu með því að ég var að leika eitthvert hlutverk. Þær áttu t.d grímu af ógeðslegum gömlum karli og einu sinni fór ég með þessa grímu og í einhvern karlafrakka og svo lá ég á miðri gangstétt með lokuð augu!!! Pæliði í því hvað við vorum sikk!!!! hahhahahahah
Einnig stóðum við oft upp við ljósastaura í hverfinu og sungum fyrir gesti og gangandi með húfu eða hatt fyrir framan okkur...við fengum reyndar aldrei neitt í hattinn enda labbaði sjaldan einhver þarna í gegn.
Eitt sem við gerðum líka var að blanda ýmisskonar mat saman sem mæður okkar gáfu okkur og vorum að bjóða fólkinu í hverfinu að koma og smakka..hahhaha einhvern þvílíkan viðbjóð!!! Sumir voru nú svo elskulegir að smakka og segja okkur að þetta væri ÆÐI!!
Þar sem við höfum verið vinkonur svona lengi höfum við þróað með okkur sama húmorinn og sömu taktana og því vill oft verða að þegar við hittumst þá grenjum við okkur máttlausar af hlátri bara með einhverju bulli sem enginn annar skilur nema Guðný auðvitað sem er okkar fjórða hjól!!
Elsku Brynja og Drífa, innilega til hamingju með daginn...já við erum að eldast heheh, en ég vona að dagurinn sé ykkur ánægjulegur!! Bráðum kem ég og þá getum við farið og fengið okkur snúð og kókómjólk eins og við gerðum nú svo oft í den...eða bara Kentucky...váhh, hvað ég sakna Kentucky...nammi namm posted by benony 4:49:00 e.h.
mánudagur, apríl 28, 2003
Hugurinn leitar heim...
...á frónið mitt sem er mér svo kært!! Ég er mikið búin að hugsa heim í dag og er farin að hlakka til að sumarið komi..eða að júlí komi réttara sagt því þá ætla ég að lenda á keflavíkurflugvelli og velta mér í rigningarpollunum. Reyndar er hellirigning hérna í Danmörku núna. En sem sagt er ég næstum komin með vinnu heima á Íslandi í sumar og þá get ég svona séð fyrir mér hvernig sumarið verði. Ég held að ég vinni mikið...eða ég veit að ég mun vinna mikið en það er líka bara gott því þá get ég safnað vetrarforða fyrir veturinn..og svo ætla ég að fara að fá mér ís með Jóa og knúsa nýfætt bróðurbarnið mitt og líma mig fasta við bumbulíunna hennar Evu vinkonu. Svo langar mig að bjóða litla bróður mínum og Sigvalda systursyni mínum í keiluferð og bíó...eða eitthvað sem þá langar að gera. Svo ætla ég að halda utan um mömmu mína og pabba eins mikið og ég get... Og láta systkini mín vita að þau eru æði og hvað mér þyki nú vænt um þau! Ég ætla líka að fara að fá mér malt og SS-pulsur og djamma með þotuliðinu og enda á select og bulla í öllu fólki sem þar koma inn....já og borða óhullustu með Brynju, Drífu og Guðnýju og hlægja svo mikið að okkur verkjar...og sitja á svölunum í nýju íbúðinni hjá Karen og Geira. Svo ætla ég að sitja á austurvelli með Diljá og HÁS-gellunum og sleikja sólina...og svo ætla ég að gellast með Láru. Það er margt sem ég ætla að gera...mig langar líka að hitta Gaxel og Ester og fá að heyra ferðasöguna þeirra...þau fóru til Malasíu nefnilega...það eru akkúrat tveir mánuðir þangað til ég kem heim...það verður fljótt að líða :) posted by benony 9:06:00 e.h.
sunnudagur, apríl 27, 2003
Haldiði ekki að....
það sé komið nafn á hurðina mína...ég er sem sagt að fá meðleigjanda og ég er ekki sátt. Sanne flutti út í endann febrúar og ég er búin að búa ein síðan. OHH, það er búið að vera svo notalegt að þurfa ekki að bíða eftir sturtunni eða símanum nú eða eins og á kvöldin þegar maður ætlaði að fara að elda að þá var Sanne kannski að nota eldhúsið. Og svo auðvitað hef ég ekki ísskápinn fyrir mig sjálfa lengur þá!! Frystihólfið er mjöööööööög lítið og það er búið að vera notalegt að þurfa ekki að deila því. En semsagt þá stendur eftirnafnið Garate á hurðinni og það segir mér að þetta er ekki dani og ekki íslendingur!! Ég veit ekki hvaða þjóðar hann gæti verið og ég er ekki viss um hvort kynið þessi meðleigjandi hefur að geyma en það hlýtur að koma í ljós eftir helgina. Við Bryndís vorum að láta okkur dreyma um að þetta væri kannski ein Gyða Sól eða sætur strákur í þröngum gallabuxum og loðkragakápu. Ímyndunaraflið er búið að fara á fullt hjá mér og ég bara vona að þetta sé ekki subbustrákur sem er perri í þokkabót eða gribbugella með þrifsýki eða eitthvað!!! Sanne var nú voða fín þegar uppi var staðið. Ég er búin að nota helgina í að reyna að njóta þess að búa ein og er búin að syngja eins og ég eigi lífið að leysa því ekki get ég þanið raddböndin þegar meðleigjandinn kemur og svo er ég einnig búin að reyna að njóta þess að striplast um því það er ekki að fara að gerast í bráð!!!
Helgin er nú búin að vera voða róleg og fín...ég er svona rólega týpan þessa dagana!! En á föstudaginn hringdi Toddi (strákur sem býr á kolligienu) og dreif mig út í skóg með cameru og Einari sem var í fb og Reyni. Í skóginum var tekið stutt skot af mér og Einari að dansa fugladansinn..heheh og einar tók orminn og svo sátum við upp við tré bak í bak og mímuðum eina setningu með textanum. Fyndnast var að Toddi sagði bara "Krakkar, dansiði!!" og setti útvarpið á og við bara dönsuðum á fullu við fólk að tala í útvarpinu. Vantaði kannski smá rythma í þetta eheheheh!! Svo kom Reynir á bílnum sínum og spilaði lagið sem við áttum að mæma með og hann var bara fyndinn á græjunum!!! hahahah Við þurftum að taka nokkrar tökur og alltaf heyrðist "OHHHH" í honum inn í bíl!!! Mér fannst það bara fyndið!!
Þetta myndband var rosa sætt, lagið "Vertu þú sjálfur" með SSSól og myndbandið hefur að geyma alla íslensku íbúana á kolligienu að dansa og syngja og flippa eitthvað!! Þetta myndband var löngu tilbúið og ég er því voða ánægð að fá að vera með í því, því við Einar vorum bara klippt inn í þetta á föstudaginn og svo var frumsýnt í kveðjupartýinu hennar Annýjar! Það verður voða gaman að eiga þetta myndband til minningar um þennan tíma!!!
Kveðjupartýið var rosalegt í einu orði sagt!!! Klingjandi eggjastokkar að djamma saman verður bara til þess að það verður bomba!! heheheh Það var allavega mikið um píuskræki og rassahnykki!! En mikið var nú gaman og ég held að við höfum bara ekkert talað um túrtappa eða gallabuxur...eða jú ég man eftir að hafa séð einn túrtappa ganga á milli manna!!!
Annars er ég sátt við lífið og sjálfan mig...hvað annað?? posted by benony 11:51:00 e.h.
laugardagur, apríl 26, 2003
Jæja, það var aldeilis stuð hjá mér í gærkvöldi!! Við stelpurnar í saumaklúbbnum hittumst til að kveðja Anný því hún er að fara að flytja til Íslands og svo var hún líka að útskrifast sem sjúkraþjálfari þannig að það var tvöföld ástæða til að fagna með stúlkunni. Við stelpurnar urðum aldeilis hressar þegar leið á kvöldið og haldið var af stað á vertann sem er hverfisbarinn okkar. Tónlistinn var reyndar ekki að meika það því það var voða mikið bara róleg tónlist þ.e svona vangalög og svo held ég bara að gaurinn hafi sett Britney Spears diskinn bara í...eða allavega var dj-inn voða hrifinn af henni. En hann ákvað að spila Ný dönsk og Stuðmenn fyrir okkur þar sem ég held að við höfum komið með stuðið á barinn með okkur!!!
Myndirnar frá gleðinni getið þið séð hér og hér posted by benony 10:50:00 e.h.
fimmtudagur, apríl 24, 2003
Hæ hæ
Ég er nú í skólanum med Elinu og Sólveigu ad reyna ad vera duglegar. Thad er ædi vedur úti og mér finnst svo sorglegt ad ég sé alltaf inni en svona er lífid bara...
Ég er búin ad ná mér nidur eftir sæluvímuna sem ég var í hérna um daginn og alveg ótrúlegt thá entist hún í rúma viku. Ég er núna bara í svona stödugu ástandi sem er bara gott..mér verdur mest úr verki thá. Svo er svona smá stress ad færast yfir en ég held ég höndli thetta!!
Ég átti ædislega páska og myndir frá theim er hægt ad skoda á sídunni!! Ég nenni ekki ad skrifa ritgerd um thá en svona helsta:
1)Sveinbjörn og ég gerdum flottustu brúnadar kartöflur sem ég hef séd
2)Hitti gislinn.blogspot.com sem var bara fyndinn. Hann er nýfluttur til DK og býr í Köben. Hann fór ad æfa dönskuna sína á leigubílsstjóra sem var fra Pakistan...setningarnar sem komu frá honum voru svona skólabókarsetningar..frekar fyndid..en fyndnast var sammarinn sem hann fékk eftir á..fannst hann kannski hafa verid leidinlegur vid manninn!
3)Búin ad eignast söngfélaga sem er karlkyns og thad er bara gaman ad syngja og radda med honum undir fögrum gítartónum.
4) gislinn.blogspot.com og bjarninn.besserweizer.com voru med mikid loft inn í sér um helgina sem thurfti ad losna vid...Svo voru líka félagarnir ad ræda voda mikid um lyktirnar sínar og finna hjá hvor ödrum!! Skondid... (gísli..ég lofadi thér ad ég myndi tala um thetta á sídunni :) )
5)Ég fór í íslenska útilegustemmninu med gítartónum og loparpeysu...rosa hressandi
6)Eyddi miklum tíma med Sveinbirni frænda mínum og vid höfdum thad svooo notalegt
7)Ædislegt vedur búid ad vera...og mér finnst eins og ég sé í útlöndum!!!
Alltaf gaman að fá góðar fréttir að heiman. Erna skólasystir mín til margra ára orðin ungfrú Reykjavík, og ég vissi ekki einu sinni að hún væri að taka þátt...váhh hvað maður dettur út úr öllu! Erna er rosalega dugleg og flott stelpa og við vorum saman í grunnskóla og svo saman í læknisfræðinni (clausus) heima á Íslandi þar sem hún gerði sér lítið fyrir og náði inn í fyrsta sinn. Já, hún er ótrúleg hún Erna, ef hún tekur sér eitthvað fyrir hendur þá klárar hún það með stæl... Geta má þess að eini gullpeningur sem ég hef unnið mér inn er þegar ég var í 12 ára bekk held ég og við Erna ásamt tveimur öðrum kepptum í boðsundi fyrir hönd okkar bekkjar og við sigruðum með stæl :)
Innilega til hamingju elsku Erna, ég er voða stolt af þér!!! posted by benony 1:19:00 e.h.
miðvikudagur, apríl 16, 2003
Ég veit ekki hvort ég eigi að vera að monta mig.....
.....en það er geggjað veður hérna úti. Alveg sumarfílingur og ég sat inni í allan dag og reynda að einbeita mér að eðlisfræðinni en það gekk reyndar ekki neitt of vel!!! Ég fór svo í búðina til að versla aðeins fyrir páskana en það var bara engin úti eins og ég hélt...ætli nokkur sé bara heima á kolligienu núna...flestir farnir heim eða hafa eytt frídeginum í að fara í ferð.
Það var líka tvennt sem gerði þennan dag ánægjulegan...númer eitt þá fékk ég pakka sendan frá mömmu minni sem býr einmitt á Íslandi eins og svo margir sem ég þekki og hún sendi mér súkkulaði alveg í tonnavís en ég snerti ekki við því í dag...dugleg ég!!! Númer tvö hringdi Eva vinkona mín í mig sem er einmitt ólétt og meðan við töluðum saman þá sparkaði litla barnið hennar í maganum í fyrsta skiptið og þar sem vinkona mín er svo sérstök og yndisleg þá fór hún að hágráta í símann alveg nýbúin að setja á sig brúnkukrem hehe!!!! Henni fannst þetta svo mögnuð upplifun að finna fyrir barninu sínu að hún alveg grét...það var gaman að fá að upplifa þetta með henni...þó það væri bara í símanum!!!
Bryndís og Sólveig vinkonur mínar hér fóru til Íslands í dag og það var mikil spenna í gangi! Ég sendi þeim kveðjur á klakann og segi smá liggaliggalái að ég sé í Danmörku núna því það er svo gott veður og þær fóru í rok og rigningu. (ég veit að ég er leiðinleg að vera að monta mig en ég bara er að reyna að finna gleði hérna meginn...í rauninni að farast úr afbrýðissemi :) )
Ég átti frábæra helgi eins og fram kom í síðustu færslu þar sem tónleikar og afmæli voru svona það helsta!!! Ég missti líka algjörlega kúlið á föstudaginn þar sem ég fékk svo góðar fréttir að ég bara hoppaði og öskraði og var allt í einu bara alls ekkert kúl á þeirri stundu...en ég hef fengið kúlið aftur ;)
Tónleikarnir voru velheppnaðir og það var gaman að sjá framan í hljómsveitarmeðlimina svo að maður hafi andlit þegar maður heyrir tónlistina þeirra. Reyndar eru þeir ekkert föngulegir enda sagði söngvarinn "Ég veit að við erum ekki sexy en við höfum margt annað sem þið verðið bara að sætta ykkur við í staðinn", fólki fannst mjög kúl að hann skyldi hafa sagt þetta og rokkaramerkin voru gefin hægri vinstri og hrópað svona "YEAAHHH". Ég fékk fullt af gæsahúðum á þessu tónleikum en samt ekki þegar Elin tróð eyrnatöppum í eyrun mín til að ég myndi ekki skemma heyrnina. Ég var fljót að taka þá úr því mér finnst maður ekki fá eins mikið út úr tónlistinni eins og þegar allt er blastað. Hún skyldi ekkert í mér að vilja ekki hafa þá í.....ég skil ekkert í henni að vilja hafa þá!! :)
Eftir tónleikana fórum við á Australian bar og þar fannst mér ég alveg vera að koma inn í félagsmiðstöð fyrir unglinga því þar var mjög ungt fólk...en mjög ungt fólk er ekkert verra en fólk á mínum aldri þannig að ég bara fór í félagsmiðstöðvagírinn og skemmti mér bara vel!! Ulrik bekkjarbróðir minn var þarna ásamt nokkrum krökkum úr vinabekknum okkar S-2 og við fórum og djömmuðum bara með þeim!!!
Í gær var síðasti skóladagur fyrir páskafrí og ég átti að hitta Fysik félaga mína þá Anders og Michal klukkan níu upp í tölvustofu því við ætluðum að klára skýrsluna okkar. Ég var orðin mjög sein og ég vissi að þeir væru brjál að bíða eftir mér þannig að ég tók upp á því að senda sms til Michal um að ég hefði dottið á hjólinu mínu og hefði fótbrotnað, og að ég væri að bíða eftir sjúkrabíl að sækja mig... Eftir smá stund fæ ég svar frá Michal þar sem stendur "Thú ert fílf". hehehe greinilega trúði hann mér ekki og greinilegt að hann er fljótur að læra íslenskuna.:) Þegar ég labba inn í skólann þá fæ ég annað sms..."Hej Sara...mener du at du har brækket benet?" hí híhí þannig að ég hafði náð honum, hann var ekki alveg viss :) En þegar ég kom inn var mikið hlegið því bekkjarsystkini mín voru þarna mörg í tölvustofunni. Sólveig kom svo inn í tölvustofuna eftir að ég hafði verið þar í smá tíma og þá rigndi yfir hana ljótu orðunum frá strákunum....."Brundþró"...."Hóra" eða hára eins og þeir sögðu það og svo kom "tusse" hehehehe Sólveig leit þá á mig með killer lookinu sínu því hana grunaði að ég hafi verið með kennslustund í íslensku. Ég þyrfti frekar að kenna þeim að segja "Falleg" eða Gyðja eða eitthvað hehehe það yrði fyndið! OG segja þeim að það þýddi eitthvað ljótt, og svo alltaf þegar þeir vilja vera leiðinlegir við mig þá segja þeir "Falleg gyðja" heheheheh Ég ætla að gera það næst!!
Eftir skóla í gær fórum ég, Bryndís, Sólveig og litla systir Sólveigar sem var í heimsókn á bæjarrölt í góða veðrinu. Mikið rosalega voru flott föt í búðunum og mig langar svo mikið í föt núna....en það er nú líka svo oft þannig þegar maður er blankur. Mig langar svo í svona stuttar pokabuxur eða svona þröngt flott gallapils og svo sá ég marga flotta boli sem mig mundi langa í. En ég held kúlinu og fer í pilsin frá í fyrra og bolina sömuleiðis. Eftir að við höfðum kíkt í búðir fórum við á torgið fyrir utan ráðshúsið þar sem mamma og pabbi giftu sig og sleeeiktum sólina. Þar hösslaði ég einn írana sem var mjög áhugasamur um mig og landið mitt.... fyndnast var að þegar hann sá að ég var ekki mjög áhugasöm þá fór hann að spurja mig um stelpur sem sátu svolítið frá. "Eru þessar íslenskar líka? þekkirðu þær?" Frekar svona despógaur en ég spjallaði við hann bara á rólegu nótunum. Það eru rosalega miklir fordómar hérna fyrir fólki frá þessum löndum en þeir íranar sem ég hef kynnst eru ekkert nema yndislegheitin. Reyndar bara þessi og svo Pejman sem er með mér í bekk. Þessi sem ég var að tala við...man ekkert hvað hann heitir, sagði að við íslendingar værum heppin að það væru ekki innflytjendur frá arabalöndunum í landinu okkar því það fylgdi þeim mikil vandamál. Já, þetta sagði hann!!!
Ég er voða hamingjusöm stelpa núna þessa dagana...sendið mér email ef þið viljið vita afhverju ég er svona hamingjusöm sarabjons@hotmail.com
Átti frábæra helgi en hef bara ekki komið mér í að skrifa um hana!!! Ég kannski skrifa á morgun ef ég verð dugleg að læra!!! En ég var að setja inn nýjar myndir einmitt frá föstudagskvöldinu þegar ég fór á tónleika með stórhljómsveitinni Saybia!!! Ég fékk alveg gæsahúð "dauðans" þegar hann söng, gæinn....alveg með rosa fallega og sérstaka rödd!!! Alveg magnað þegar hann söng "Why do birds sing when you´re near me" og svo náttúrulega aðallagið sem þeir treinuðu að spila "I stay, to watch you fate away, I dream of you tonight", þá sungu líka allir með enda búið að spila mikið!!!!
Myndir frá tónleikunum eru einmitt hérna heyrumst :) posted by benony 11:54:00 e.h.
fimmtudagur, apríl 10, 2003
Allt á floti allsstaðar....
...það rignir og rignir bæði utandyra og innandyra "if you know what I mean"!!! Ég er sem sagt ekkert alveg að meika það í hjólabransanum þessa dagana því ég verð alveg voða vot á leiðinni...
En það er ótrúlegt hvað vikan líður hratt og það er bara strax að koma helgi. Ég er að fara á tónleika á morgun með stórhljómsveitinni Saybia og ég er alveg að hlakka rosalega til!!! Við Elin bekkjarsystir mín erum að fara bara tvær saman og ég lofaði henni að við myndum svo djamma FEITT eftir tónleikana þannig að ég verð að standa við það!! Hún er reyndar frekar tryllt þegar hún er að djamma en ég er búin að ákveða að vera bara tryllt með henni...
Svo er ég að fara í barnaafmæli á laugardaginn. Afmælisbarnið sem er að verða 4 ára bað spes um að mér yrði boðið og því get ég ekki annað en látið sjá mig ferska eftir djamm næturinnar. Ég fór og keypti bolta í dag handa honum og vona að hann verði ánægður með hann!!!
annars lítið að frétta....vorkenni mér eitthvað alltof mikið til að hafa eitthvað skemmtilegt að segja en ég kem fersk á morgun eða hinn með skemmtilegar sögur vonandi :) posted by benony 9:29:00 e.h.
miðvikudagur, apríl 09, 2003
Undarlegir hlutir að gerast...
....haldið ekki bara að ég hafi hjólað heim í snjóhríð!!!!! Og engri smá heldur!!! Þetta var svona slyddusnjór þannig að ég var öll blaut þegar ég kom heim, með málninguna yfir allt andilit. Jáhh, það er erfitt að þykjast vera gella hérna í þessum hjólabransa!! Sem betur fer hjólaði Bryndís með mér þannig að þetta var fljótt að líða!!
Ég var að vinna í eðlisfræðiskýrslu með vinum mínum þeim Anders og Michal í dag og þeir komust inn á síðuna mína og fóru að skoða myndir og reyna að lesa!! Ég ákvað bara að þýða fyrir þá allt sem ég hef skrifað um þá strákana hérna á síðunni. Þeim þótti þetta ákaflega fyndið og hlógu mikið þannig að þeir voru ekki fúlir að ég væri að setja á netið hvað þeir gætu verið nasty við mig!!! Ég meina þeir eru bara svona, ég er ekki að skrifa neina lygi þannig að.... En þeir hlógu mikið og sögðust ætla að nota síðuna mína sem íslenskukennslu. Læra alltaf eitthvað nýtt orð á hverjum degi....jeeee ræææt!!!!
Þann 6 apríl varð Diljá 24 ára gömul og óska ég henni innilega til hamingju með áfangan. Hún fór víst í Bláa lónið og hitti svo vini sína á Tapasbarnum til að halda upp á afmælið!!! Hefði verið gaman að vera þar með!!!!
Dóri bróðir minn komst í viðtal...
....í Listaháskólanum og það er stór áfangi hjá honum. Það komast nefnilega bara 40 í viðtal af milljón manns og þess vegna er ég voða stolt af stráknum. Það verður gaman að eiga bróðir í listabransanum. "Já, bróðir minn...listamaðurinn". Við þurfum að fara að finna listamannanafn á þig Dóri minn.
Silli bróðir og Margrét eiga von á kríli....
Nú eru bara 2 mánuðir rúmir þangað til Margrét og Silli eiga að eiga sitt fyrsta barn og því verður nýr einstaklingur kominn í fjölskylduna mína þegar ég læt sjá mig á skerinu í sumar. Ég var að tala við Silla í dag og ég held að hann sé einn sá lukkulegasti í bransanum!!! :)
Nú eru tilkynningarnar búnar í dag og nú koma djammsögur helgarinnar :)
Föstudagskvöld
Við Sólveig hittumst á Banegaard og leigðum okkur spólu....fyrir valinu var að sjálfsögðu dönsk mynd sem heitir "Elsker dig for evigt" og fannst okkur hún alveg stórkostleg. Við alveg hlógum og grétum til skiptis. Danir eru svo góðir í að gera dogma myndir og mér fannst alveg magnað atriðið þegar það varð bílslys í myndinni....ég segi ekki meira en það var magnað atriði. Gunnhildur kom og horfði með okkur á myndina og við vorum á einu máli að þessi mynd væri æði!! Enda sætir leikarar og leikkonur... Eftir myndina kjöftuðum við og kjöftuðum um allt og ekkert og það var eiginlega alveg ótrúlegt hvað við gátum kjaftað mikið við skvísurnar. Ég var í raun hætt að geta haldið augunum opnum en hélt samt áfram að kjafta....í hvað er maður að breytast segi ég nú bara!!!!!
Laugardagur
Vaknaði hjá Sólveigu ...ég hef örugglega sofnað í einni af sögunni minni, vonandi bara í miðri setningu því það hefði verið fyndið! Ég drattaðist á fætur og var alveg dösuð eftir kjaftagang næturinnar en ég hafði lofað að passa fyrir Sveinbjörn Sveinbjörn þannig að ég dreif mig í strætó og beinustu leið í klærnar á litlu frændum mínum sem heimtuðu að ég myndi leika grýlu. Það reyndist ekki vera erfitt þar sem ég bara ýfði hárið aðeins og hljóp á eftir þeim með mínu verstu óhljóðum!! Þeir elska þegar ég leik grýlu, hlægja og öskra alveg þessar elskur!! Svo reyndi ég að róa þá niður og við spiluðum smá og svo gaf ég þeim að borða og svo hringdi Sveinbjörn í mig og bað mig að klæða strákana í útiföt og hlaupa út því hann ætlaði að skutla mér heim til mín. Ég var nefnilega í smá tímaþröng þar sem fólk var að koma til mín í mat og allt var á rúi og stúi í herberginu mínu og ég var ekki búin að kaupa allt í matinn!!!
Sandra var svo elskuleg að koma og hjálpa mér með þetta fyrsta matarboð mitt í Danmörku!!! Ég fékk lánað útiplastborð hjá Sigurrósu og Ingva og það sem mig vantaði í eldhúsið fékk ég lánað hjá Söndru. Hún kom líka með tvo kolla því ég var með tvo stóla þ.e skrifborðsstólinn og einn auka, svo á ég líka bara þrjá diska, þrjú hnífaparasett og tvö glös þannig að Sandra kom með það sem mig vantaði. Við elduðum kjúklingarétt sem ég mæli eindregið með.. Í honum er kjúklingur, beikon, pastaræmur, þykkt skornir sveppir, sveppaostur og rjómi og svartur pipar!!! Mér fannst þetta allavega mjög gott. Svo var brauð og salat með!!!
Við sátum svo bara og kjöftuðum og hlógumog létum fara vel um okkur.Baldur sem býr í herberginu alveg fyrir ofan mig kom svo til okkar og lék á alls á oddi :) Þetta varð bara yndisleg kvöldstund og ég vona að þeim hafi þótt það sama!!
Svo var komin púki í mig þegar komið var yfir miðnætti og við Baldur vorum ákveðin í djamm en hin þrjú voru ekki alveg á því en að lokum ákvað Ása að skutlast með mér á djamm. Þar með var komið gott teymi!!! Við Ása svona stórar og rauðhærðar...hættulegar held ég bara... :)
Við þrjú hjóluðum svo af stað og ég auðvitað í pilsi tíhíhí Alltaf jafn girnileg á hjólinu mínu!!! Við höfðum frétt af partýi niðri í íslendingafélagshúsi og hjóluðum þangað niður eftir. Þegar þangað kom þekktum við engan, það voru bara svona blindfullir 16-17 ára unglingar þar sem voru ælandi og grenjandi þannig að við vorum svona ekki alveg viss hvort að þetta væri okkar staður til að djamma á en það voru víst íslenskir strákar að halda þetta partý og það var alveg troðið þarna þannig að flott hjá þeim!!! Við hjóluðum því af stað niður í bæ og á leiðinni sagði Baldur snilldarsetningu sem ég verð bara að hafa með!!!! "Ég vil hafa gellurnar svona 16 ára því þá geta þær kallað mig BIG DADDY"!
Niðri í bæ ætluðum við á Froggies til að hlýja okkur áður en ákvörðun yrði tekin með hvert skyldi halda en þegar þangað kom hittum við svo marga sem við þekktum þ.e Sólveig var mætt á svæðið. Það var alveg þvílíkt sem stelpan var ánægð að sjá mig því hún öskraði svona píuskræk eins og maður gerði þegar maður var á gelgjunni þegar hún sá mig en ég hafði samt verið að tala við hana auglitis til auglitis alveg svona 2 klst fyrr :) Svo var Snorri líka mættur með dönskum vinum sínum og allir voru á leiðinni á Arkaden þannig að við fylgdum með!!!
Á Arkaden var stuð og við rauðhærðu skvísurnar vorum held ég bara að gera góða hluti, reyndar var Ása eitthvað að kvarta yfir mér....henni fannst ég ekki alveg nógu góð í daðrinu hehehe "SARA!!!!!!! Þessi er rosalega sætur sjáðu, hann er að horfa á þig"!!!! Og ég bara "UHMMM, já hann er sætur" og labbaði svo burt!!! hahahah
Eftir nokkurn tíma komu svo Davíð og Óskar sem eru félagar hérna og eru í skólanum mínum!! Ég held ég hafi ekki talað um þá áður á blogginu mínu en þeir eru allavega hressir og við fjögur þ.e ég, Ása, Davíð og Óskar fórum að tjútta og á pöbbarölt meðan hinir voru eitthvað að sýslast í öðru hehe
Við Davíð reyndum að toppa hvort annað á súlu einni sem stóð á miðju dansgólfi en þar sem ég var í pilsi gat ég kannski ekki alveg gert eins kúnstir og hann kom með!! Það var eitt móment sem ég elskaði þarna...það var þar sem við stóðum fjögur á dansgólfinu og það kom svona "Sörutónlistarsyrpa" þeir sem þekkja mig vita hvernig tónlist það er :) Við dönsuðum þá villt og mér virtist á hinum að þau voru að fíla þetta líka !!!!! Eftir mikið sprell og tjútt ákvað Ása að skella sér heim til kærasta síns en við hin þrjú skelltum okkur á pianóbar einn sem er þarna inn á Arkaden. Við settumst alveg við píanóið og hlustuðum á fallega tóna. Reyndar var svona súr eftirpartýfílingur þarna inni þar sem fólk var að verða sjúskað og þreytt. Við fórum því að tygja okkur heim og ég hjólaði heim á leið....ég veit, GLÆTAN AÐ MAÐUR MUNDI HJÓLA HEIM EFTIR DJAMM HEIMA Á ÍSLANDI!!! posted by benony 10:13:00 e.h.
Fleiri myndir komnar inn...
....myndir frá helginni komnar inn, undir linkunum matarbod og apríldjamm!!! Ég verð að biðja ykkur um að gefast ekki upp á mér þó ég hafi verið löt að skrifa upp á síðkastið!! Ég er ekki hætt....netið lá niðri hjá mér í nokkuð marga daga því það datt bók ofan á snúruna sem tengist í netkortið mitt. Snúran bara hætti að virka hjá mér þá. Ég fór í dag í tölvubúð til að spurja hvað ég gæti gert, spurði hvort ég þyrfti að kaupa nýtt netkort eða hvort ég gæti ekki bara keypt nýja snúru. Hann tók þá kassa með netkortum niður úr hillunni og tók snúru úr honum og rétti mér. Hann gaf mér bara nýja snúru eins og ekkert væri sjálfsagðara án þess að ég hafi sofið hjá nokkrum sem tengist þessari búð!!!! Já, stundum er maður heppin :)
En netið er því komið í lag og ég ætla að vera duglegri að blogga!! Brátt koma skemmtilegar sögur frá helginni en endilega skoðið myndirnar!!!
Ég er bara grenjandi.... Það var verið að krýna "stjerne for en aften" í kvöld og þetta er svona móment sem ég grenja yfir!!! Draumur stúlkunnar frá Færeyjum varð að veruleika. Hún sem var bara að taka þátt og trúði ekki að hún myndi komast svona langt sat svo uppi sem sigurvegari úrslitakvöldsins!! Það skrítnasta er að ég er að sjúgja í nefið og þurrka tárin og hef gæsahúð um minn stóra kropp en hún stendur alltaf jafn yfirveguð og segir bara "tak til Færöerne og tak til Danmark". Minn tími mun koma!!!! posted by benony 10:19:00 e.h.
þriðjudagur, apríl 01, 2003
"Ertu líka veikur?...hjól eða veikur? Já, sjö!!!!
Fyrirsögnin er brot úr samtali sem ég átti við bekkjarbróður minn í morgun!!! Danskan mín var ekki að meika það í dag eins og sést!!! Á dönsku hljómaði þetta "Er du ogsaa syg?? cyckel eller syg? ja syv!!! Hreimurinn var bara ekki til staðar!!! Svo fór ég upp á skrifstofu og var að biðja um vottorð fyrir því að ég er í 10 mánuði í skólanum en ekki 9 mánuði og hún bara gat ekki skilið hvað ég vildi konan þar!!! Var alltaf að vélrita fyrir mig nýtt og nýtt vottorð því hún kom alltaf með eitthvað vitlaust....hún var ekki vitlaus...það er ég sem er málhölt!!! :)
Annars er dagurinn búin að vera yndislegur, ég get bara ekki sagt annað!!! Ég komst að því að það er ekkert dónalegt að sjúga upp í nefið eins og í Belgíu og á fleiri stöðum á meginlandinu því það eru allir sjúgjandi upp í nefið hérna!!! Mikið um kvef og ástæðan fyrir því að ég spurði bekkjarfélaga minn hvort hann væri líka veikur var einfaldlega vegna þess að við sugum upp í nefið í kór!!! Ég get því haldið þessari iðju minni áfram og þarf ekki að kaupa mér vasaklút og snýta mér ótt og títt og troða svo ræflinu í vasann slímugum og girnilegum!!!
Ég fór á McDonalds áðan...ekki afþví að ég hef svo gott af því heldur afþví að ég var svo svöng og ég vissi að það var ekkert til í ísskápnum hjá mér og allar búðir lokaðar. Stelpan sem afgreiddi mig var svo ánægð í vinnunni og fannst þetta virkilega gaman!!! Hún alveg ljómaði þegar ég sagðist ætla að fá einn Big Mac og spurði mig hvort ég vildi hafa hann stóran!!! Ég brosti út í annað og blikkaði hana og sagði "nei, bara venjulegan". Hún afgreiddi mig svo vel að mér fannst ég vera Britney Spears agnarstund og þegar ég hellti tómatsósu út fyrir þá tók ég lagið "úpps, I did it again" við mikinn fögnuð viðstraddra!!! Þrátt fyrir ungan aldur á ungu afgreiðsludömunni var "get ég aðstoðað" setningin hennar næstum eins fullkomin og hjá kókosbolluskvísunni í Kolaportinu (dóri bró manstu ;) ) Ég labbaði virkilega glöð út frá McDonalds því það var bara virkilega góður stemmari þar á ferð!!! Ég hafði verið með áhyggjur að það yrði einmanalegt að fara ein á Makkarann og var því að reyna að fá Snorra félaga með mér en hann vildi bara lesa anatomýuna sína og greina heilsufar mitt!! "Sara, þú hefur versnað í dag, augun þín eru farin að gljáa svo mikið" (*hikk*, var bara búin að fá mér nokkra öllara). "Sara, er biðin eftir svari við umsókninni þinni að leggjast illa í þig...hvernig líður þér með þetta". Já, Snorri var í læknisleik í dag og stóð sig bara vel ;) (hehe, fattaði eftir á að það er hægt að misskilja þessa setningu) hehehe
Þegar ég hjólaði heim frá McDonalds var farið að dimma!!! Það var yndislegt að hjóla og þar sem það var enginn annar að hjóla þá gat ég sungið eins og aldrei fyrr. Ég tók aðallega lagið "Pípan" sem mér finnst svo fallegt. Ég velti fyrir mér hvort að það væri ekki hægt að breyta textanum þannig að ég gæti sungið þetta til karlkynslífveru en öll svona reykingartól eru kvenkyns, "hún pípan, hún sígarettan og þar með hún rettan, hún jónan og mér dettur ekki meira í hug...endilega kommentið ef þið hafið karlkynsorð yfir eitthvað sem hægt er að troða í tóbaki!!! Hér er textinn sem ég raulaði fyrir munni mér á leiðinni heim í kotið mitt!!!
Ég sá hana fyrst á æskuárum,
ósnortin var hún þá.
Hún fyllti loftið af angan og ilmi
æsandi losta og þrá.
Síðla á kvöldin við fórum í felur
mér fannst þetta svolítið ljótt
en alltaf var þetta meiri og meiri
unaður hverja nótt.
Ég ætlaði seinna að hætta við hana
ég hélt að það yrði létt.
Ég var andvaka næstu nætur
því nú voru takmörk sett.
Endurminningar örvuðu blóðið
ástin mér villti sýn
og innan skamms fór ég aftur til hennar
og eftir það varð hún mín.
Hún fylgir mér ennþá svo trygg og trú
svo tágrönn og hnakkakerrt.
Aldrei hefur hún öðrum þjónað
né annarra varir snert.
Hvenær sem grípur mig hugarangur
hún huggar mig raunum í.
Þá treð ég í hana tóbakshnoði
og tendra svo eld í því. posted by benony 1:48:00 f.h.
Rauðhærði útlendingurinn 
miðvikudagur, apríl 30, 2003
