Er að fara í saumaklúbb hjá Petru vinkonu, hlakka til að heyra kjaftasögurnar frá Belgíuvinkonum mínum. Ég skrifa um ferðina á morgun... posted by benony 10:30:00 e.h.
Benóný var ekki á Kirkjubæjarklaustri!!!! posted by benony 10:26:00 e.h.
fimmtudagur, júní 27, 2002
Ég á eftir að gera margt fyrir morgundaginn..... Jæja ég er búin að skrifa bréf til Danmerkur sem ég ætla að senda í fyrramálið, þetta eru einhverjar aukaupplýsingar sem þeir vildu vita um mig, ég er búin að versla inn nesti fyrir ferðalagið en ég á eftir að pakka niður. Svefnpoki og dýna osfrv. Silli bróðir sagði að stuttbuxur og veiðistöng væri málið til að taka með, það er þá eins gott að sólin verði okkur hliðholl. Ég mun skrifa allt um ferðalagið þegar ég kem heim á sunnudaginn.
Ég talaði við Brynju vinkonu áðan. Þær tvíburasysturnar eru í Bandaríkjunum nánar tiltekið í New York. Það var gott í þeim hljóðið og við hlógum líka soldið eins og við gerum alltaf því við höfum einhvernveginn þróað með okkur sama húmor eftir öll þessi ár sem við höfum verið vinkonur. Við erum nefnilega búnar að vera vinkonur frá því við vorum núll ára eins og við sögðum alltaf þegar við vorum litlar. Drífa hrópaði fyrir aftan: "Hey, segðu Söru að ég geti ekki talað við hana því að ég er komin með svo amerískan hreim". Þetta fannst okkur mjög fyndið. " What´s up Seeeerahhhh!!!!! hí hí.
Annars er ég mjög ánægð með daginn, sólin er búin að skína og bossinn minn kallaði mig engil. Ég er núna að fara að taka mömmu í fótsnyrtingu sem er alveg yndislega gaman. Allavega bíður hún í ofvæni posted by benony 11:55:00 e.h.
Það er aldeilis allt að gerast um helgina... afmæli hjá Siggu og svo líka hjá Sigrúnu (mömmu hennar Diljáar).... já, soldið flippuð mamma, býður bara vinkonum hennar Diljáar í afmælisveisluna sína og er gjaldkeri í banka í Smáralindinni. Samt mjög skemmtileg og kemur manni til að hlægja. Svo er bloggpartýið fræga sem væri mjög gaman að kíkja á þó svo að maður sé bara unglamb í þessum bloggheimi. En ég ætla að skella mér á Laugarvatn með fjölskyldunni minni, ég má ekki missa af því. Reyna að SLEIKJA sólina sem er spáð að láti sjá sig um helgina. Mér líst vel á það. Svo eru krakkarnir í FB vinahópnum mínum að koma frá Costa á morgun. Ég er orðin voða spennt að hitta þau til að fá slúður..... búin að frétta að það séu margar sögur frá ferðinni. Hlakka líka til að knúsa Joe Joe sem er einmitt með í för.....hann sagðist ætla að syngja um Benóný fyrir mig á ströndinni undir fögrum gítarleik hans sjálfs. Hann hefur örugglega gert það ef ég þekki hann rétt því það er ekkert gott partý nema að hann sé með gítarinn og hann fílar lagið þannig að...
Endilega segið mér plönin ykkar um helgina. posted by benony 2:00:00 f.h.
miðvikudagur, júní 26, 2002
Við Diljá erum búnar að ákveða að verða aðal blogggellurnar eftir smá stund..... bíðið þið bara við erum rétt að byrja. posted by benony 4:19:00 e.h.
komin með gestabók, endilega skrifið í hana. Ég er nefnilega svo forvitin að vita hverjir heimsækja mig. posted by benony 5:27:00 f.h.
Var að tala við Togga pop... hann er aldeilis fínn gaur! Hann býður mér velkomna í bloggheiminn á síðunni sinni. kíkið á það. Þessir stráka vinir mínir eru alltaf svo rosalega góðir við mig. Koma fram við mig eins og drottningu. Ég elska þá heitt. :) posted by benony 4:56:00 f.h.
Var að fá ábendingar um hvað væri flippað við mig, svo að ég geti verið með í flippfjölskyldunni. Hjálmar bróðir sagði að ég væri alltaf að syngja einhvað bull og svo væri ég alltaf að væla yfir sjónvarpinu þó svo að það sé ekkert sorglegt. Svo sagði Dóri bróðir að ég væri alltaf full.....þó að ég drekki ekki áfengi. Þá vitið þið það...
ég er greinilega kolrugluð. Þeir náðu hefnd sinni fram! posted by benony 4:46:00 f.h.
þriðjudagur, júní 25, 2002
Var að koma úr veiðiferð með Guðnýju vinkonu. Við vorum í þetta skiptið að reyna að veiða fiska en ekki stráka, en niðurstaðan varð sú sama eftir þessa veiðiferð og í strákaveiðiferðunum þ.e enginn afli. Við þurfum greinilega að æfa einhvað úlnliðssnerpuna eða einhvað. Við tókum með okkur í ferðina Aldísi 7 ára og Malú 4 ára. Eiginlega var ég bara að slást við þær allan tímann meðan Guðný var að veiða. Þær náðu nefnilega alveg að heilla mig upp úr skónum með því að vera að tína blóm handa mér. Mér finnst sætast í heimi þegar lítil börn rétta mér blóm (er ég of væmin núna?). Veiðistaðurinn var Þingvallavatn.... það er svo rosalega fallegt við Þingvelli. Eftir að við vorum búnar að borða nestið okkar þá keyrðum við um Þingvellina með Sigur Rós í botni... það myndaðist mjög mögnuð stemmning hjá okkur. Æ, það er svo æðislegt að fara út úr bænum smá!!!
Ef það eru einhverjir dökkir rapparar þarna úti, þá er ég með GIGG handa ykkur!!!!! Sendu email ef svo er!!! posted by benony 2:14:00 e.h.
Ég er svo rosalega glöð núna!!! Við fjölskyldan vorum nefnilega að ákveða að fara í ferðalag næstu helgi. Ekki alveg ákveðið hvert skal haldið en ég er viss um að við ætlum að elta sólina þ.e vera sólarmeginn í lífinu. Við eigum það líka alveg skilið því við höfum gengið í gegnum margt. Ég á fjögur yndisleg systkini og við ætlum að flippa saman. Við erum frekar svona flippuð systkini. Elsti bróðir minn er í celeb liðinu og þekkir BALTA, næstelsti bróðir minn er með rautt afró, systir mín er frá Indlandi og litli bróðir minn er kallaður VARA-maður því hann er með svo stórar VARIR. Svo er ég bara.......get ekki dæmt um það sjálf..... ef þið vitið um einhvað flippað við mig.. sendið mér þá póst!!! posted by benony 2:05:00 e.h.
Ég var að koma úr bíó, fór á Panic room með Guðný og Dóra bró, hún var ekkert spes!! Ekki halda að ég sé alltaf í bíó þó að ég hafi líka farið á laugardaginn. Bara tilviljun. posted by benony 3:36:00 f.h.
mánudagur, júní 24, 2002
Þá er þetta komið í gagnið loksins posted by benony 11:00:00 e.h.
Leitin að draumaprinsinum Benóný er enn í fullum gangi en hann virðist bara ekkert ætla að sýna sig. Ég syng lagið á hverjum degi og tók upp á því að syngja fyrir samstarfsmenn mína í morgun þegar ég var að fara af vakt. Þeim líkaði líka svona rosalega vel við sönginn og lögðu til að næturvaktin myndi alltaf syngja fyrir morgunvaktina við vaktaskipti. Við Heimir erum að spá í að syngja dúett í fyrramálið og ætlum að reyna að æfa hann í nótt. En endilega ef þið hafið einhverja hugmynd um hvar Benóný er að fela sig þá megi þið láta mig vita.... Ég er farin að sakna hans :( posted by benony 2:58:00 f.h.
sunnudagur, júní 23, 2002
Eins og flestir vinir og vandamenn vita þá er ég að bíða eftir svari frá Danmörku um skólavist í læknadeildinni. Ég geri mér ágætar vonir þar sem ég starfaði svo mikið í félagslífinu í FB, er búin að vinna á geðdeild í meira en ár og er búin að taka fyrstu önnina í læknadeildinni hérna heima á Íslandi. Það versta við þessa bið er náttúrulega hvað hún er rosalega löng. Ég fæ ekki svar fyrr en 27 júlí. Ég er eiginlega alveg að fara á taugum en ég reyni að peppa mig upp því einhvern veginn finnst mér að ég eigi að fá að upplifa þetta. Ég sé fyrir mér sjálfan mig eftir ár með laptop tölvuna í litla herberginu mínu í kolleginu einhversstaðar í Danmörku að lesa yfir glósurnar mínar áður en ég fer að sofa. Veggurinn er þakinn myndum af fjölskyldu og vinum og í hvert skipti sem ég opna póstinn minn þá er ég að fá kjaftasögur úr skemmtanalífinu í Reykjavík. Hver er byrjaður með hverjum og svo framvegis. Eftir góðan nætursvefn þá fer ég inn á bað til að gera mínar þarfir og ég sé að það er smá piss á setunni sem er eftir hann Jörgen sem er í herberginu við hliðina á mér... Við höfum sameiginlegt baðherbergi. Jörgen er hinn mesti sóði og oft kemur fyrir að félaginn pissi út fyrir en hann er nú ekkert að hafa fyrir því að þurrka upp eftir sig. Hann bara rekur við og heldur áfram sinni iðju. Eldhúsið er einnig sameiginlegt og ég nenni ekki að fara út í þá sálma.... Ég hleyp í sporvagnin( er ekki annars sporvagnar í Danmörku??))og ég er rétt búin að missa af honum en næ eftir mikil hlaup og öskur á eftir vagninum. Ég get ekki annað en fengið hóstakast þegar ég kem inn í vagninn svo að ég veki smá athygli og fái smá roða í kinnarnar. Fyrsti tími er auðvitað líffærafræði hjá Jette og þar fáum við að vita allt um sinus pilonidalis sem er einmitt tvíburabróðir svokallaður á íslensku. Þetta eru eins konar holur sem í myndast gröftur og hár svo vex vefurinn yfir. ..........................ég er í ímyndunarheimi... frh seinni!!!!!!!!!! :) posted by benony 9:15:00 f.h.
Ég ætlaði að vera svo mikil hetja og setja þessa síðu upp alveg ein.... en ég verð að viðurkenna að ég fékk hjálp. Bestu þakkir til Guðnýjar æskuvinkonu minnar og Heimis vinnufélaga sem kom mér af stað með síðuna aftur.... Klukkan er korter í sex og við erum enn vakandi, allt er með kyrrum kjörum hér í vinnunni en er samt farin að hlakka til að komast heim í bólið mitt.... ahhh. Mamma argast í mér daginn út og inn að ég sé alltaf sofandi en málið er að meðan aðrir sofa vinn ég og hjálpa fólki... svona er þetta. Finnst samt verst að sofa þegar sólin er að skína. En enn og aftur takk Heimir og Guðný þið eruð mega. Endilega ef þið kunnið að setja linka þá megið þið kenna mér. posted by benony 7:50:00 f.h.
Lífið er svolítið skrítið þessa dagana.... Ég vinn á nóttunni og sef á daginn, er farin að fíla mig eins og einhvern einfara en það bætir upp að mér finnst svo rosalega gaman í vinnunni. Ég fékk skemmtilega heimsókn í dag.. haldið ekki að Eva mín ástkæra vinkona og unnusti hennar hann Rafn Franklin hafi ákveðið að kíkja í bæinn frá Bíldudal og líta á íbúðir. Við fórum í bíó og sáum myndina " About a boy" með Hugh Grant sem er mjög góð. posted by benony 7:32:00 f.h.
Rauðhærði útlendingurinn 
sunnudagur, júní 30, 2002
